Da Van, da Jack, de Georgia, de Gloria & i


Musik: W. Resetarits
Text: G. Brödl
1995 auf der CD "Espresso Rosi" veröffentlicht.


Angfangt hods am Donnerstog, do woa ois grod am End.
Sie woa fuat und i woa wia daschlogn in die eigenen vier Wänd.
Bin ausse mit der letzten Kroft, hob ned gwußt wohin,
und triff in dera Hüttn den Van (an Iren) und den Jack aus Tennessee.
Da Van der hod wos gsunga, da Jack und i hobn wos untanumma gengan Durscht,
do kummt a rothaariger Engel, uh, dea woa ma echt ned wuascht.
Da rote Engel sogt: "I haaß Georgia." Sog i: "Ah, Georgia on my mind..."
Sogt sie: "Blitzkneißa, ruaf mi an. I glaub, mia 2 mia werdn no Freind."
I loß mi ned lang bitten, oba es leit und leit und kana do.
Oiso hock i mi wieda zu ihr und sog: "Is heite ned mei Tog ...
Und Du haaßt wirklich Georgia? Wia kummt ma bei uns zu so an Nam?"
Sogt sie: "Peckst no a näxte Runde? Dann haaß i Gloria."
Zirka 30 Runden späta warats langsam Zeit zum Gehn.
I gib dem Kellner an scheen Schmattes, und er hilft mir beim Gradstehn.
Dann draußn auf da Stroßn suach i noch mein Wogn.
A 57er-Chevy, glaub i, aber i kanns heit nimma sicha sogn.
De Georgia lahnt se daweu zuwe, daß mi der Schwindel packt.
I muaß mi bei ihr stützen, bevuas mi aufs Pflosta prackt.
Dann san ma in an Taxi und draußt wochsn kane Bam.
Do san nur Himmel, Stern und Stana, und der Taxla der wü ham.
Mia liegn vua dera Aussicht. Auf amoi liegn ma neben sooo ana Kaktee.
Da Taxla mocht an Abgang, fäult: "Mi halts es ned am Schmäh!"
De Georgia rennt im klanan Schwarzn und auf solche Absätz durchn Sand.
I hintennoch und frog mi: Trogt de bei solche Ausflüg immer ihr bestes Gwand?
De Sunn kommt und a Zug kummt und im Viehwagon is no wos frei.
Mia steign zua und hobn zum Nulltarif a batzn Hetz im Heu.
Später schau i amoi ausse, is do a Schüdl: "Georgia" oder so.
Do sogt de Georgia zur Gloria: "A Station no und mia san do."
I versteh nur Bahnhof und werd auf amoi furchtbar miad.
Wia i eintunk an ihra Schulter frog i: "Seit wann san ma denn zu dritt?"
I woch auf, do is de Sunn im Geh und de roten Engeln de san fuat.
Loßn mi do liegn, poschn o ohne a anzigs Wuat.
I renn 1000 Kilometa, renn zruck in de Bar,
wo da Van und da Jack no auf mi wartn und ruaf de Georgia an.
"Georgia, äh, Gloria, wo bleibstn?", sog i, "i hob glaubt ..."
Sogt sie: "Was soll das? Ich lieg noch im Bett. Und wer sind sie überhaupt?" uh, Georgia... uuh, Gloria...
Just an old sweet song keeps Gloria on my mind, your sweet song keeps Georgia and Gloria on my mind.


Die ursprüngliche Version (Rough Mix) enthielt noch folgende zusätzliche Zeilen:

Jetzt homa Freitog, bin no imma schwa im Eck.
Sie is no imma fuat und i daschlogn in die nockat'n vier Wänd.
Renn ausse mit der letzten Kroft, waass ned wohin,
triff in da Hüttn in Van und in Jack aus Tennessee.
Da Van der tuat wos singa, da Jack und i tan wos untanema gengan Durscht,
do kummt da rothaarige Engel, uh, dea is ma echt ned wuascht.


© 1995  G. Brödl

Xgmail.gif (853 Byte)
e-mail

home1.gif (2822 Byte)

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]