Mörderisch

Musik: Eigner/Guggenbichler/Resetarits
Text: G. Brödl
1997 auf der CD "Blutrausch" veröffentlicht

Genau die söbe Gossn in genau der söbn Stodt.
Es is a heite wieder spät wurn, nur daß heit niemand auf mi wort.
Da söbe Ramsch in da Auslog, die söbn Ampeln stur auf Göb.
Fost olle Hittn ham scho zuadraht, weu ohne Gäst kummt a ka Göd.

I kenn me Gossn wia me Westentoschn,
kenn a jeds Tschochal, a jeds Eck,
aber so kenn i die Gossn ned.

Es is ollas so wia immer. Kane Leit so um die Zeit.
A Hunderl suacht sein Herrn. I sog: "Zum näxten Wirtn is no weit".
Do is sunst ollaweu ois in Urdnung, do hot a jeder sei Adress.
Normal liegt da Wickerl ned in da Einfoat, is tot und mocht an Mörderstreß.

Es hot si mörderisch wos tan und es woa wia a besa Traam.
Es hot si mörderisch wos tan, seit wos mia 2 do gestan gangan san.
Es hot si mörderisch wos tan und es woa wia a besa Traam.
Es hot si mörderisch wos tan, seit wos mia 2 do gestan gangan san.
Seit wos mia 2 do gstern gangan san hot si mörderisch wos tan.
Und es woa wia a besa Traam, seit wos mia 2 do gestan gangan san.

e-mail

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]