Ausn Anschaun is des Fernschaun wuan,
oba i man, ma is jo sowas von erledigt.
I bring den Gschropp ins Bett, und sie wü ihr Ruah
Des is wias Amen noch da Predigt.

I wü ned sogn es steat uns wos,
obwoi natürlich hod ois sein Hakn.
Ma kummt se ziemlich eingsperrt vua,
sie mehr wia i, weu i hob Gottlob a no mei Hockn

Ausn Valiabtsein is a Liabsein wuan.
Ma redt se zsamm, ma arrangiert se.
Amoi im Monat Ausgeh zsamm
des bauts wieda auf und des rentiert se.

Ausn GSPUSI is wos Ernstes wuan
und jetzt könn ma nimma lochn.
Mia ham hoit jetzn andre Suagn,
do bleibt ka Zeit fia blede Sochn.