Echt schlecht


Musik: noch keine
Text: G. Brödl
Auf Platte unveröffentlicht.
1998 im Buch "Ostbahn-Auslese" veröffentlicht.


Wann i ma di so anschau wiad ma schlecht
Do is ollas nochgmocht und nix echt
Wann i ma di so anschau: mia wiad echt schlecht

Wann i dia so zuahea wiast groß redst
Oiweu de Goschn offn ollas nochebetst
Wann i ma di so anhea: mia wiad echt schlecht

Wann i dia so zuaschau im TeVau
Wannst ma de Wöd erklärst wiad ma ganz flau
Wann i da so zuaschau: mia wiad echt schlecht

Dabei hob i an Saumogn dea hoit a Weu wos aus.
Oba es gibt Leit und Typn, do zuckt a afoch aus.
Do krampft se ollas zsamm, do krampft se ollas ei
Do spüd a nimma mit, oba so sollts eh sei
Wann i ma di so anschau: mia wiad echt schlecht

Wann i ma di so anschau wiast einedrahst
Den wüdn Hund markierst und dabei nix sogst
Wann i ma di so anschau: mia wiad echt schlecht
Wann i ma di so vuastö sogma als mei Schef
Rennts ma koid en Buckl oba und mia wiad ganz schlecht
Wann i ma di so vuastö: mia wiad echt schlecht

Dabei hob i an Saumogn dea hoit a Weu wos aus.
Oba es gibt Leit und Typn, do zuckt a afoch aus.
Do krampft se ollas zsamm, do krampft se ollas ei
Do spüd a nimma mit, oba so sollts eh sei
Wann i ma di so anschau: mia wiad echt schlecht


© 1998  G. Brödl

Xgmail.gif (853 Byte)
e-mail

home1.gif (2822 Byte)

[ KURT OSTBAHN / WILLI RESETARITS / GÜNTER BRÖDL / SCHMETTERLINGE / WELTORCHESTER ]
[ Platten / Konzerte / Songtexte / Mitmusiker / Gschichtln / Credits / Links ]